Pandan
semèn sa yo mwen santi gen yon chanjman lakay mwen paske mwen
pat gen konesans tankou yon lidè, mwen pat wè mwen antan ke yon lidè fanm, m te
gen timidite pou m prezide yon reyinyon. Tout sa mwen te konn fè nan
òganizasyon fòk mwen te jwenn konsèy yon gason. Mwen te toujou panse san yon gason òganizasyon an pap ka mache. Men depi
lè mwen vini nan We-Lead mwen kòmanse konprann bagay yo yon lòt fason gras ak
We-lead.
We-lead se yon espas kote yo fòme
fanm san patipri, san kouch, tout laj menm si l san kapasite intèleksyèl. Pou
mwen menm, depi w kòmanse nan aktivite We-Lead w ap wè vi sosyal la yon lòt
fason, ou pap gen espri kondisyónman ankò, epi w ap soti tèt ou nan sou
devlopman imen; w ap vin feminis paske wap vini gen yon lòt karaktè imanis e w
ap konprann nati w yon lòt jan paske ou pap yon alyene nan konpòteman w ni nan
lespri w ankò. W ap santi w pa enferyè ankò, w ap konprann gen diferans sèks
men pa gen diferans nan desizyon k ap pran paske ou pral konprann fanm ak gason
gen dwa pou yo deside.
Donk, anndan We-Lead
se konsa yo fòme fanm pou konnen dwa ak devwa yo paske We-Lead pa fòme feminis
pou kanpe anfas gason sèlman men We-Lead fòme fannm pou defann sosyete a, anviwònman
an, kay yo epi pou yo gen lòt apwòch de la vi imèn.
Zizy Mendossa ki nan OFRA
Aucun commentaire:
Enregistrer un commentaire